Մերկելի կուսակիցը պատմել է նրա ինքնազգացողության մասին
Գերմանիայի կանցլեր Անգելա Մերկելն իրեն լավ է զգում, նրա առողջական վիճակը կայուն է: Դա հավաստիացրել է Քրիստոնեա-դեմոկրատական միության (ՔԴՄ) նախագահ Աննեգրետ Քրամպ Քարենբաուերը հուլիսի 3-ին Bild թերթում հրապարակված հարցազրույցում:
«Մենք այս օրերին մշտապես զանգահարել ենք միմյանց, նա իրեն լավ է զգում»,- ասել է ՔԴՄ-ի առաջնորդը: Քրամպ Քարենբաուերը կարծում է, որ կանցլերի առողջության նկատմամբ մեծ հետաքրքրությունը պայմանավորված է այն «կարեւոր դերով», որը Մերկելը խաղում է միջազգային քաղաքականության բնագավառում: Նրան առանձնահատուկ չափով հսկում են»,- ասել է նա:
Bild թերթն ավելի վաղ, վկայակոչելով արեւմտյան հատուկ ծառայություներից մեկի մի աղբյուր, հայտնել է, որ Մերկելի նոպաները կապված են «նյարդաբանական խանգարումների» հետ, հաղորդել է ՏԱՍՍ-ը:
