Ավստրիայում վաղաժամկետ խորհրդարանական ընտրությունները նշանակված են սեպտեմբերի 29-ին
Ավստրիայի Ազգային խորհրդի (խորհրդարանի ստորին պալատի) վաղաժամկետ ընտրությունները կանցկացվեն սեպտեմբերի 29-ին: Այդ մասին Twitter-ում հաղորդել է խորհրդարանի մամուլի ծառայությունը:
Մամուլի ծառայությունը նշում է, որ որոշումը միաձայն ընդունվել է Ազգային խորհրդի գլխավոր կոմիտեի կողմից: Մայիսի 27-ին Ազգային խորհուրդն անվստահության քվե հայտնեց Սեբաստյան Կուրցի նախարարների կաբինետին՝ փոխկանցլեր Հայնց Քրիստիան Շտրախեի պաշտոնաթողության ֆոնին:
Հունիսի 3-ին Ավստրիայի նախագահ Ալեքսանդր Վան դեր Բելենի ղեկավարությամբ կայացել է մինչեւ Ազգային խորհրդի վաղաժամկետ ընտրությունները հանրապետության նոր կանցլեր Բրիգիտե Բիռլյայնի եւ նրա անցումային կառավարության նախարարների երդմնատվությունը, հաղորդել է ՏԱՍՍ-ը:
