Նյու-Յորքում 30 կիլոգրամանոց հսկա հոթ-դոգ են պատրաստել
ԱՄՆ-ի Նյու-Յորք քաղաքի բնակիչներին բախտ է վիճակվել փորձել աշխարհի ամենամեծ՝ 30 կիլոգրամանոց հոթ-դոգը:
Ինչպես հաղորդում է «Միր-24»-ին, այն պատրաստել են տեղի սրճարաններից մեկի սեփականատերերը, ովքեր ցանկացել են հայտնվել Գինեսի ռեկորդների գրքում:
Տասնյակ հետաքրքրված անձինք 2 ժամ հետևել են խոհարարական այս շոուին: Հոթ-դոգը բարձրացնելու համար անհրաժեշտ է եղել 3 տղամարդու ուժ, քանի որ այն կշռել է 30 կգ և եղել է 150 սմ:
Ուտեստը մատուցել են մանանեխով և թթու կաղամբով ու հյուրասիրել բոլոր ցանկացողներին:
