«Այդպիսին է կյանքը… Ցավակցում եմ բոլորին, ովքեր նրան հիշում են և սիրում». մահացել է Անդրեյ Խարիտոնովը
Կյանքի 60-րդ տարում մահացել է խորդհրդային եւ ռուս դերասան Անդրեյ Խարիտոնովը: Այդ մասին հայտնել է ռեժիսոր Վիտալի Մանսկին Facebook-ի իր բլոգում:
«Այդպիսին է կյանքը… Ցավակցում եմ բոլորին, ովքեր նրան հիշում են եւ սիրում»,- գրել է Մանսկին:
Դերասանի կինը՝ Օլգա Սմիրյագինան, նույնպես հավաստել է նրա մահը: Նա նշել է, որ Խարիտոնովին կհուղարկավորեն Կիեւում:
Ինչպես հաղորդել է ՏԱՍՍ-ը, ավելի վաղ հայտնի է դարձել, որ Խարիտոնովը պայքարում է ուռուցքաբանական հիվանդության դեմ:
Խարիտոնովի ամենահայտնի դերը դարձել է Արթուր Բերտոնը «Բոռը» ֆիլմում: Նաեւ նկարահանվել է այնպիսի ֆիլմերում, ինչպիսիք են «Սեւ կեռնեխների» գաղտնիքը», «Անտեսանելի մարդը», «Նռնագույն կղզիներում» կինոնկարները:
