Վահե Գրիգորյանը խնդրել է Արարատ Միրզոյանին՝ ավելի ուշ նշանակել իր երդման արարողության օրը
Վահե Գրիգորյանի համար անակնկալ չէր, որ կընտրվի Սահմանադրական դատարանի դատավոր: Այսօր ԱԺ-ում ընտրության արդյունքների հրապարակումից հետո լրագրողների հետ զրույցում Վ.Գրիգորյանը նշեց, որ այս խորհրդարանի կողմից ընտրվելն իրեն որևէ կերպ չի կաշկանդի:
«Ընտրված լինել դեմոկրատական ընտրություններով ձևավորված ԱԺ կողմից և լինել Հայաստանի առաջին դատավորը դեմոկրատական ընտրություններով ձևավորված ԱԺ կողմից ընտրված, մի քանի աստիճան շատ ավելի բարձր պատիվ է ցանկացած դատավորին և մի քանի աստիճան բարձր պատասխանատվություն է»,- ասաց Վ.Գրիգորյանը:
Նա նշեց, որ ինքն է խնդրել ԱԺ նախագահ Արարատ Միրզոյանին՝ ավելի ուշ նշանակել իր երդման արարողության օրը, որպեսզի ինքը նախքան այդ հասցնի հանձնել բոլոր այն գործերը, որոնցով ներկայացուցիչ է դատարաններում, այդ թվում՝ ՄԻԵԴ-ում:
