«Պուպուզ քար» կոչող հանդամասում քաղաքացին ընկել է և վնասել ոտքը
Հունիսի 18-ին, ժամը 12:16-ին «911» ծառայությանն ահազանգ է ստացվել, որ Տավուշի մարզի Դիլիջան քաղաքի Շամախյան փողոցի «Պուպուզ քար» կոչող հանդամասում քաղաքացին ընկել է և վնասել ոտքը. անհրաժեշտ է հրշեջ-փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարաները Ջ.Ա.-ին ձորից (մոտ 400 մ) դուրս են բերել և տեղափոխել շտապօգնության ավտոմեքենա:
Ջ.Ա.-ն հոսպիտալացվել է Դիլիջանի ԲԿ, որտեղ բժիշկները տուժածի առողջական վիճակը գնահատել են բավարար:
