Առաջին թռիչքով հայկական ավիաշուկա է մտնում նոր ավիաընկերություն
Հայկական ավիաշուկա է մտնել նոր՝ «Արմենիա Էյրվեյզ» ավիաընկերությունը, որն առաջին անգամ հունիսի 15-ից սկսելու է կանոնավոր թռիչքներ իրականացնել Երևան-Թեհրան-Երևան ուղղությամբ:
Այս մասին ասաց «Արմենիա էյրվեյզ» ավիաընկերության տնօրեն Առլեն Դավուդյանը:
«Մեր ընկերությունն առաջին անգամ է թռիչք իրականացնելու: Այժմ ունենք 2 ինքնաթիռ, սակայն դեռևս մեկն է շահագործվելու: Ինքնաթիռը 112 տեղանոց է»,- նշեց Դավուդյանը:
Թռիչքները կայանալու են «BAe 146-300» մոդելի ինքնաթիռով՝ յուրաքանչյուր երկուշաբթի, հինգշաբթի և շաբաթ օրերին, իսկ հունիսի 24-ից՝ ամեն օր:
