Պայմանագիրը համապատասխանում է ՀՀ Սահմանադրությանը. ԱԱԾ պետ
Այսօր ԱԺ պաշտպանության և անվտանգության հարցերի մշտական հանձնաժողովում Ազգային անվտանգության ծառայության պետ Արթուր Վանեցյանը ներկայացրեց «Տեղեկատվական անվտանգության ապահովման ոլորտում Հավաքական անվտանգության մասին պայմանագրի կազմակերպության անդամ պետությունների համագործակցության մասին» համաձայնագիրը վավերացնելու մասին նախագիծը:
Ըստ նրա՝ պայմանագիրը համապատասխանում է ՀՀ Սահմանադրությանը:
«Լուսավոր Հայաստան» խմբակցության քարտուղար Գևորգ Գորգիսյանը հետաքրքրվեց, թե ինչո՞ւ ՀԱՊԿ անդամ մյուս պետությունները չեն վավերացրել:
Ա.Վանեցյանը նշեց, որ Ռուսաստանն ու Բելառուսն արդեն վավերացրել են, իսկ մյուս երկրներում ընթացքի մեջ է:
