Փրկարարները հեռացրել են Մեղրիում ճանապարհը երկկողմանի փակած ծառը
ՀՀ արտակարգ իրավիճակների նախարարության «911» ծառայությունը մայիսի 10-ին, ժամը 16:31-ին ահազանգ է ստացել, որ Սյունիքի մարզի Մեղրի քաղաքի Զորավար Անդրանիկի փողոցի թիվ 32 շենքի մոտակայքում ուժեղ քամու հետևանքով ծառն ընկել է կայանված ավտոմեքենայի վրա՝ երկկողմանի փակելով ճանապարհահատվածը: Անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատից մեկ մարտական հաշվարկ:
Պարզվել է, որ ծառն ընկել է «ԵրԱԶ» մակնիշի անսարք ավտոմեքենայի (վարորդ՝ Ա.Հ.) վրա:
Փրկարարները մասնատել և հեռացրել են ծառը. ճանապարհը երկկողմանի բաց է:
