Դաքայում հրդեհից զոհվածների թիվը հասել է 25-ի
Դաքայի օֆիսային շենքում մարտի 28-ին բռնկած հրդեհից զոհվածների թիվը հասել է 25-ի: Այդ մասին հայտնել է NDTV հեռուստաալիքը:
Ավելի վաղ հրդեհաշիջման ընթացքում հայտնաբերել էին 19 զոհվածների, եւս վեց մարդ մահացել է հիվանդանոցում: 19-հարկանի շենքը, որտեղ գտնվում էին հագուստ արտահանողների եւ ինտերնետ-պրովայդերների գրասենյակները, բռնկել էր հինգշաբթի օրը ժամը մոտավապես 13:00-ին (Երեւանի ժամանակով 11:00-ին):
Շենքում հրդեհաշիջման համակարգերի բացակայության պատճառով կրակի դեմ պայքարելու համար հրշեջներին պահանջվել է չորս ժամ, հաղորդել է ՏԱՍՍ-ը:
