Բանգլադեշում կինը մեկ ամսում երկու անգամ ծննդաբերել է
Բանգլադեշի բնակչուհիներից մեկը երկվորյակներ է ծնել այն բանից 26 օր անց, երբ լույս աշխարհ եկավ նրա որդին: Այդ մասին հայտնել է Asia One պորտալը: 20-ամյա Արիֆա Սուլթանայի առաջնեկը ծնվել է փետրվարի վերջին:
Ծննդաբերությունն անցել է առանց բարդությունների, սակայն բժիշկները չեն նկատել, որ կինը հազվադեպ անոմալիայի պատճառով ունեցել է երկրորդ արգանդ, որում աճել է եւս երկու պտուղ: ՛
Մեկ ամիս անց Սուլթանայի մոտ կրկին երկունքի ցավեր են սկսվել: Նրան շտապ կարգով կեսարյան հատում են արել եւ լույս աշխարհ բերել երկվորյակների՝ տղա եւ աղջիկ: Երեխաներն առողջ են: Իշխանությունները մտադիր են ստուգում անցկացնել այս հիվանդանոցում: Իսկ կնոջը դուրս են գրել, հաղորդել է ՌԻԱ Նովոստին:
