ԵՄ-ն ևս 50 մլն եվրոյի շտապ մարդասիրական օգնություն է տրամադրել Վենեսուելային
Եվրամիությունը լրացուցիչ 50 միլիոն եվրոյի շտապ մարդասիրական օգնություն է տրամադրել Վենեսուլեային: Այս մասին ասված էԵվրահանձնաժողովի՝ մարտի 27-ին տարածված հայտարարության մեջ: «Եվրահանձնաժողովը որոշում է ընդունել լրացուցիչ 50 միլիոն եվրո տրամադրել՝ Վենեսուելայի առավել կարիքավոր քաղաքացիներին օգնություն ցույց տալու համար»,- ասված է հայտարարության մեջ:
Հաշվի առնելով այդ գումարը՝ Եվրամիության կողմից Վենեսուելային ցույց տրվող մարդասիրակական օգնության ընդհանուր ծավալը 2018 թվականի սկզբից աճել է մինչեւ 117,6 միլիոն եվրո: Այդ փողը պետք է հատկացվի բնակչության սննդի, խմելու ջրից, սանիտարական ծառայություններից օգտվելու բարելավմանը, ինչպես նաեւ երեխաների կրթության ոլորտի նախագծերին, հաղորդել է ՏԱՍՍ-ը:
