Բուհերի ուսանողներն ուսման վարձը կվճարեն նաև ամսական կտրվածքով

ԱԺ-ն ամբողջությամբ ընդունեց «Բարգավաճ Հայաստան» խմբակցության պատգամավոր Տիգրան Ուրիխանյանի առաջարկած «Կրթության մասին» օրենքում փոփոխություններ կատարելու մասին օրենքի նախագիծը: Դրանով նախատեսվում է, որ բուհերի ուսանողներն ուսման վարձը կարող են վճարել նաև ամսական կտրվածքով:

Նախագիծն ընդունվեց 115 կողմ և 4 ձեռնպահ ձայներով:

Երկրորդ ընթերցմամբ նախագծում որոշակի փոփոխություն էր արվել. ուսանողներն ուսման վարձը կարող են վճարել միայն ուսումնական ամիսների ընթացքում ամսական կտրվածքով: