Ֆրանսիան և Չինաստանը համագործակցության 14 պայմանագիր են ստորագրել
Ֆրանսիան եւ Չինաստանը մարտի 25-ին մի ամբողջ շարք համաձայնագրեր են ստորագրել ՉԺՀ-ի նախագահ Սի Ցզինպինի Ֆրանսիա կատարած այցի ընթացքում: 14 պարտավորագրերի հրապարակումը կայացել է BFM հեռուստաալիքի եթերում երկու երկրների ղեկավարների մամուլի ասուլիսից առաջ։
Փաստաթղթերն ընդգրկում են ամենատարբեր ոլորտներ, այդ թվում՝ էներգետիկան, մշակույթը, տիեզերքը, ավիա- եւ նավաշինությունը, ինչպես նաեւ փոխգործակցությունը մշակութային եւ բանկային ճյուղերում:
Այլ բաների թվում հայտարարվել է Չինաստանի կողմից 300 Airbus A320 եւ Airbus A350 XWB ինքնաթիռների ձեռքբերման գործարքի ավարտման մասին, որի գումարը, սակայն, չի նշվում: Փաստաթղթերի թվում հիշատակվում է 15 հազար բեռնարկղների համար 10 բեռնատար նավերի կառուցման պարտավորագիրը:
Նաեւ համաձայնությունները վերաբերում են արբանյակների համատեղ ստեղծմանը եւ Ֆրանսիայի եւ Չինաստանի գիտական կենտրոնների համագործակցությանը տիեզերքի հետազոտման բնագավառում, հաղորդել է ՏԱՍՍ-ը:
