Զիմբաբվեում ցիկլոնի հետևանքով զոհվածների թիվը հասել է 259-ի
Զիմբաբվեում «Իդայ» արեւադարձային ցիկլոնի առաջացրած հեղեղումների եւ հորդացումների հետեւանքով զոհվածների թիվը հասել է 259-ի: Այս մասին հայտել է Reuters գործակալությունը՝ վկայակոչելով Միգրացիայի միջազգային կազմակերպության (IOM) տվյալները:
Այդ տվյալների համաձայն՝ անհայտ կորածների թիվը կազմում է 217, հարկադրված են եղել իրենց տները լքել շուրջ 16 հազար ընտանիքեր: Ավելի վաղ Ժնեւում կայացած ճեպազրույցում ՄԱԿ-ի Պարենավորման համաշխարհային կազմակերպության պաշտոնական ներկայացուցիչ Էրվե Վերհուզելը հայտնել է, որ Զիմբաբվեի շուրջ 200 հազար բնակիչ հրատապ օգնության կարիք ունի մոլեգնող արեւադարձային ցիկլոնից հետո, հաղորդել է ՏԱՍՍ-ը:
