Տոկիոյի օդանավակայանում երկու բեռնատար ինքնաթիռներ են բախվել. Kyodo
Ճապոնիայի Air Japan ավիաընկերության բեռնատար Boeing 767-ը Տոկիոյի Նարիտա միջազգային օդանավակայանում բախվել է FedEx միջազգային փոստային ծառայության McDonnell Douglas MD-11 ինքնաթիռի հետ: Ոչ ոք չի տուժել: Այդ մասին հայտնել է Kyodo լրատվական գործակալությունը:
Գործակալության տվյալներով՝ երկու ինքնաթիռներն էլ մեկնում էին Շանհայ եւ բախվել են պոչային մասերով: Վնասվել են Boeing 767-ի պոչաթեւերը, FedEx-ի ինքնաթիռի շարժիչներից մեկը:
Միջադեպի հետեւանքով ժամանակավորապես փակվել է օդանավակայանի թռիչքավայրէջքային գոտիներից մեկը, հաղորդել է ՏԱՍՍ-ը:
