ԱՄՆ-ի ֆինանսների նախարարը Չինաստանում առևտրական բանակցություններ կվարի մարտի 28-29-ին
ԱՄՆ-ի ֆինանսների նախարար Սթիվեն Մնուչինը մարտի 28-ին Չինաստան կայցելի առեւտրի շուրջ երկօրյա բանակցություններ վարելու համար: Այդ մասին մամուլի ասուլիսում հայտնել է ՉԺՀ-ի առեւտրի նախարարության պաշտոնական ներկայացուցիչ Գաո Ֆենը:
«Սթիվեն Մնուչինը, որը գլխավորելու է բանակցային պատվիրակությունը, մարտի 28-29-ին այցով կգտնվի Չինաստանում առեւտրի հարցերի շուրջ կոնսուլտացիաներ անցկացնելու նպատակով. ի պատասխան՝ ապրիլի սկզբին ՉԺՀ-ի Պետխորհրդի փոխվարչապետ Լյու Հեն բանակցությունները շարունակելու համար ուղեւորվի Վաշինգտոն»,-ասել է նա:
Գաո Ֆենի խոսքով՝ ամերիկյան պատվիրակության կազմում ՉԺՀ կժամանի նաեւ առեւտրական բանակցություններում ԱՄՆ-ի ներկայացուցիչ Ռոբերտ Լայթհայզերը: «Կոնսուլտացիաների հետագա մանրամասների մասին մենք ժամանակին կտեղեկացնենք հասարակայնությանը»,-ասել է նա, հաղորդել է ՏԱՍՍ-ը:
