Գետափ-Մարտունի ավտոճանապարհին արգելափակվել է մոտ 20 ավտոմեքենա
Մարտի 21-ին, ժամը 03:10-ին 911 ծառայությանը տեղեկություն է հաղորդվել, որ Վարդենյաց լեռնանցքում՝ Քարավանատան մոտակայքում, կան ձնակույտի մեջ արգելափակված ավտոմեքենաներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Գետափ-Մարտունի ավտոճանապարհի 37-րդ կմ-ին արգելափակվել է մոտ 20 ավտոմեքենա:
Փրկարարներն արգելափակումից դուրս են բերել 4 ավտոմեքենա (5 ուղևոր):
Մինչ ժամը 07:42-ը փրկարարները Գետափ-Մարտունի ավտոճանապարհի 37-րդ կմ-ին իրականացրել են հերթապահություն: «Եղեգնաձորի» ՃՇՇ-ի աշխատակիցները հատուկ տեխնիկայի միջոցով իրականացրել են ճանապարհի մաքրման աշխատանքներ. ավտոմեքենաները շարունակել են ընթացքը:
