«Մենք բոլորս ուզում ենք, որպեսզի Սուլշերը մնա «Մանչեսթեր Յունայթեդում»». Պոգբա
«Մանչեսթեր Յունայթեդի» կիսապաշտպան Պոլ Պոգբան հույս ունի, որ Օլե-Գունար Սուլշերը կշարունակի աշխատանքը թիմի հետ:
«Իհարկե, մենք ցանկանում ենք, որպեսզի նա մնա: Արդյունքները գերազանց են: Ես նրա հետ հրաշալի հարաբերություններ ունեմ, ինչպես և մյուս խաղացողները: Երբ ֆուտբոլիստը գոհ է, նա ցանկանում է զարգանալ: Սուլշերն արժանի է այդ տեղին: Նա ամեն ինչ գիտի թիմի մասին: Նա դրական մարզիչ է, ով վստահություն է հաղորդում խաղացողներին»,- Պոգբային է մեջբերում Sky Sports-ը:
Սուլշերը գլխավորել է «Մանչեսթեր Յունայթեդը» դեկտեմբերի 19-ին՝ Ժոզե Մոուրինիոյի հեռացումից հետո:
Օլե-Գունարը դուրս բերեց թիմին Չեմպիոնների լիգայի 1/4 եզրափակիչ և վերադարձրեց «կարմիր սատանաներին» ԱՊԼ-ի թոփ-4-ի մրցավազքին:
Պատրաստեց Անի Գաբուզյանը
