Քաբուլում առնվազն վեց մարդ է զոհվել պայթյունից, կան տասնյակ վիրավորներ
Քաբուլում առնվազն վեց մարդ է զոհվել Նովրուզի տոնակատարության ժամանակ տեղի ունեցած պայթյունից, վիրավորների թիվը հասնում է 23-ի: Այդ մասին հայտնել է 1TV հեռուստաալիքը՝ վկայակոչելով Աֆղանստանի առողջապահության նախարարության տվյալները:
Տեղական ԶԼՄ-ները մարտի 21-ին հայտնել են Քաբուլի Կարտ-ե Սախի շրջանում տեղի ունեցած պայթյունի մասին, որտեղ մարդիկ սկսել էին հավաքվել գարնան գալն ու նոր տարին՝ Նովրուզը, տոնելու համար: Ականատեսների խոսքով՝ պայթյունը կարող էր կապված լինել հրթիռակոծման հետ: «Պաժվակ» գործակալությունն, իր հերթին, հայտնել է շրջանի վրա արձակված երեք հրթիռի մասին, հաղորդել է ՌԻԱ Նովոստին:
