«Ես շատ շնորհակալ եմ «Բետիսի» երկրպագուներին` ծափահարությունների համար». Մեսսի
«Բարսելոնայի» ավագ Լիոնել Մեսսին կիսվել է «Բետիսի» նկատմամբ հաղթանակի մասին իր կարծիքով (4:1):
Այս խաղում Մեսսին երեք գնդակ խփեց մրցակցի դարպասը: Մեսսիի երեք գնդակներն էլ շատ տպավորիչ էին: Երրորդ գնդակի ժամանակ անգամ «Բետիսի» երկրպագուները ծափահարում էին արգենտինացուն:
«Չեմ հիշում, թե արդյո՞ք ինձ ծափահարել են այլ մարզադաշտերում: Ես շնորհակալ եմ մարդկանց իրենց արձագանքի համար: Նրանք միշտ շատ լավ են վերաբերվում մեզ և ուրախանում են հաղթանակների համար: Հրաշալի զգացմունքներ են, ես շատ շնորհակալ եմ «Բետիսի» երկրպագուներին` ծափահարությունների համար:
Գոլերն էական չեն: Կարևոր է, որ մենք վաստակեցինք երեք միավոր: Հիմա բարդ շրջան է, քանի որ խաղերը խաղերի հետևից են: Մենք պետք է պատրաստ լինենք այս իրավիճակին: Մենք չէինք կարող թույլ տալ մեզ պարտվել «Ատլետիկոյի» պարտությունից հետո:
Լա լիգայում հաղթանակը արդեն ապահովվա՞ծ է: Այո, ամեն ինչ կախված է մեզնից, բայց ոչինչ դեռ որոշած չէ:
Առաջիկայում դեռ խաղարկվելու են միավորներ, մենք պետք է խաղանք նույն կերպ և ոչ մի դեպքում չկորցնենք միավորներ»,- ասել է Մեսսին:
Սիրարփի Աղաբաբյան
