«Շատ կարևոր էր երեք մարզումից հետո հաղթելը». Զիդան
«Ռեալ Մադրիդի» գլխավոր մարզիչ Զինեդին Զիդանը վերլուծել է «Սելտայի» նկատմամբ հաղթանակը (2:0) Լա Լիգայի 28-րդ տուրում: Սա մադրիդյան ակումբի առաջին խաղն էր Զիդանի վերադառնալուց հետո:
Խաղի մասին
«Առաջին խաղակեսը մեզ համար դժվար էր: Մենք ունեինք որոշ դժվարություններ, և դա նորմալ է: Երկրորդ կեսը հեշտ չէր, բայց երկրպագուները մեզ օգնեցին, իսկ խաղացողները շատ աշխատեցին:
Ես շատ ուրախ եմ, որովհետև ամենակարևորը հաղթելն է: Շատ կարևոր էր երեք մարզումից հետո հաղթելը:
Ես չգիտեմ, թե ինչքան անցում ենք մենք արել` 20 կամ ավելի: Ես ուրախ եմ, որ Իսկոն գոլ խփեց:
Այժմ մենք քիչ ժամանակ ունենք: Նրանք, ովքեր չեն գնում ազգային հավաքականներ, կարող են աշխատել և մարզվել: Մնացել է 10 խաղ, մենք պետք է լավ ավարտենք մրցաշրջանը»:
Զգացողությունների մասին
«Զգացողություններս լավն են: Մենք ձգտում էինք հաղթել և հասանք մեր ուզածին: Սկիզբը շատ լավ չէր, բայց մենք պետք է համբերատար լինեք»:
Սիրարփի Աղաբաբյան
