Կոնգոյի ԴՀ-ում առնվազն 24 մարդ է զոհվել ռելսերից գնացքի դուրս ընկնելու հետևանքով
Կոնգոյի Դեմոկրատական Հանրապետությունում առնվազն 24 մարդ է զոհվել, եւս 31 հոգի՝ վերքեր ստացել Կասայի նահանգում ռելսերից բեռնատար գնացքի դուրս ընկնելու հետեւանքով: Այդ մասին հայտնել է «Ֆրանսպրես» գործակալությունը՝ հղում անելով տեղի ոստիկանությանն ու փրկության ծառայությանը:
Ըստ առկա տվյալների՝ ուղեւորների մեծ մասը գնացքում հայտնվել էր անօրինականորեն: Նշվում է, որ զոհերի թվում են շատ են երեխաները:
Գնացքի վթարի հետեւանքով շրջվել Է մի քանի վագոն, եւս մի քանիսը կամրջից ընկել են գետը: Գիշերը որոնողական գործողությունները դադարեցվել են: Սպասվում է, որ զոհերի թիվը կարող է աճել: Միջադեպի պատճառներն առայժմ հայտնի չեն, հաղորդել է ՏԱՍՍ-ը:
