«Հիմա այդ մասին խոսելու ժամանակը չէ». Զիդանը՝ Մբապեի ձեռքբերման մասին
Մադրիդի «Ռեալի» գլխավոր մարզիչ Զինեդին Զիդանը մեկնաբանել է ՊՍԺ-ի 20-ամյա հարձակվող Կիլիան Մբապեին գնելու հնարավորությունը:
«Ես հաճույքով կաշխատեի Մբապեի հետ, ինչպես և բոլոր լավ խաղացողների հետ»,- Զիդանին է մեջբերում ESPN-ը:
Զիդանը հավելել է, որ չի խնդրել «Ռեալի» նախագահ Ֆլորենտինո Պերեսին ստորագրել երիտասարդ ֆրանսիացի ֆուտբոլիստին. «Ոչ, բոլորովին ոչ: Հիմա այդ մասին խոսելու ժամանակը չէ: Հիմա իմ խնդիրն է՝ հաղթել 11 հանդիպումները, որոնք մնացել են»:
Զիդանը վերադարձավ «Ռեալի» գլխավոր մարզչի պաշտոնին՝ փոխարինելով Սանտյագո Սոլարիին:
Պատրաստեց Անի Գաբուզյանը
