Սլովակիայում նախագահական ընտրություններ են
Սլովակիայի 4,45 մլն քաղաքացիներ մարտի 16-ին ընտրում են երկրի նոր նախագահին: Այս մասին հայտնում է «ՌԻԱ Նովոստի»-ն:
Տեղական ժամանակով 07:00-ին մեկնարկած ընտրությունները կշարունակվեն մինչև 20:00-ն: Ընտրությունների արդյունքներն արդեն կամփոփվեն մարտի 17-ին:
Սլովակիայի նախագահական ընտրություններին մասնակցում է 13 թեկնածու, որոնցից տեղական ԶԼՄ-ները ֆավորիտ են համարում երեքին՝ Եվրահանձնաժողովի ղեկավարի տեղակալ Մարոշ Շեվչովիչին, Գերագույն դատարանի նախկին ղեկավար Շտեֆան Գարաբինին և փաստաբան Զուզան Չապուտովային: Հենց նրանք են զբաղեցրել առաջին երեք հորիզոնականներն անցկացված սոցհարցումների ժամանակ:
