«Էպիկ, լեգենդար և աստվածային». Մենդեշը՝ Ռոնալդուի մասին
Ժորժե Մենդեշը, ով Թուրինի «Յուվենթուսի» առաջատար Կրիշտիանու Ռոնալդուի գործակալն է, խոսել է Ռոնալդուի հեթ-տրիկի մասին՝ Չեմպիոնների լիգայի 1/8 եզրափակչում:
- Կրիշտիանուն լավագույն ֆուտբոլիստն է, և նա ցույց տվեց դա նախորդ խաղում:
Նա այլմոլորակային է: Ռոնալդուն արդյունքներ էր գրանցում Անգլիայում, այնտեղ գրում էր պատմություն:
Մադրիդում ևս նա դարձավ լավագույնը: Առանց նրա մադրիդցիները չէին կարող նվաճել այդքան մրցանակներ: Նա նրանց առաջատարն էր, երբ նրանք 4 անգամ հաղթեցին Չեմպիոնների լիգայում:
Հիմա ես համոզված եմ, որ նա արդյունքներ կգրանցի Իտալիայում: Նա կգրի պատմություն «Յուվենթուսի» համար:
- Ինչպե՞ս կբնութագրեք Ռոնալդուին:
- Էպիկ, լեգենդար և աստվածային,- ասել է Մենդեշը՝ La Gazzetta dello Sport-ի հետ զրույցում:
Սիրարփի Աղաբաբյան
