Ռոբերտ Քոչարյանը մասնակցում է դատական նիստին
Մի քանի ժամ է, ինչ շարունակվում է ՀՀ երկրորդ նախագահ Ռոբերտ Քոչարյանի կալանքը ևս երկու ամսով երկարաձգելու ՀՔԾ-ի միջնորդության վերաբերյալ դատական նիստը։ Ի տարբերություն երեկվա նիստի, այսօր Ռ. Քոչարյանը մասնակցում է։
Երեկ քննիչն ու դատախազությունը միջնորդության վերաբերյալ կարծիքներ էին հայտնել, այսօր պաշտպանները պետք է ներկայացնեին իրենց առարկությունները: Հիշեցնենք, որ Մարտի 1-ի դեպքերի ժամանակ սահմանադրական կարգը տապալելու մեջ մեղադրվող Ռոբերտ Քոչարյանը կալանքի տակ է դեկտեմբերի 1-ից։
