Իսրայելի վարչապետի որդին՝ Էրդողանին. «Ցանկանում եմ հիշեցնել նրան Հայոց ցեղասպանության մասին»
Իսրայելի վարչապետի որդին՝ Յաիր Նեթանյահուն, Twitter-ի էջում սկանդալային գրառում է արել, որն ուղղված է եղել Թուրքիայի նախագահ Ռեջեփ Թայիփ Էրդողանին։
Այս մասին տեղեկացնում ermenihaber.am-ը:
Գրառումն արվել է այն բանից հետո, երբ Թուրքիայի նախագահ Ռեջեփ Թայիփ Էրդողանը և Իսրայելի վարչապետ Բենյամին Նեթանյահուն հերթական անգամ փոխադարձ մեղադրանքեր են հնչեցրել իրար հասցեի:
«Ես ցանկանում եմ հիշեցնել իրեն (Էրդողանին-խմբ.) այն ցեղասպանությունը, որն իրականացրել է Թուրքիան հույների, ասորիների և հայերի դեմ։ Նրանք (թուրքերը) Փոքր Ասիան էթնիկապես մաքրել են բոլոր քրիստոնյաներից։ Ես նրան նաև կհիշեցնեմ, որ Ստամբուլի իրական անվանումը Կ.Պոլիս է։ Նախքան թուրքերի գրավումը, այն Բյուզանդիայի մայրաքաղաքն էր և ուղղափառ քրիստոնեության կենտրոնը հազար տարուց ավել»:
