«Դա հակամարտության կարգավորման գործընթացի արգելափակման փորձ է». Ալիևը՝ Նիկոլ Փաշինյանի առաջարկի մասին
Ադրբեջանի նախագահ Իլհամ Ալիևը հայտարարել է, որ Ադրբեջանի համար անընդունել է ՀՀ կառավարության՝ արցախյան հակամարտության կարգավորման բանակցային ձևաչափի փոփոխմանն ուղղված փորձերը: Այս մասին գրում է minval.az-ը:
«Հայաստանի կառավարությունը փորձում է փոխել բանակցային ձևաչափը: Դա անընդունելի է ու հակամարտության կարգավորման գործընթացի արգելափակման փորձ»,- ասել է նա՝ հավելելով, որ Եվրոպական միության բարձրաստիճան պաշտոնյաները, ինչպես նաև ԵԱՀԿ Մինսկի խմբի համանախագահները ևս դեմ են ձևաչափի փոփոխմանը:
«Բանակցությունները պետք է լինեն արդյունավետ, ոչ թե լինելու համար»,- ասել է Ալիևը:
