ԱՄՆ-ում գնդակահարել են Գամբինո քրեական կլանի պարագլխին. NY Post
Նյու Յորքում մատի 13-ի երեկոյան գնդակահարել են Գամբինո մաֆիական կլանի պարագլուխ Ֆրանկ Քալիին: Այդ մասին հայտնել է New York Post թերթը` վկայակոչելով ոստիկանության աբյուրներ:
Նրանց տվյալներով՝ միջադեպը տեղի է ունեցել 53-ամյա Քալիի տան մոտ, որը գտնվում է Սթեյթեն Այլենդի շրջանում: Ինչպես հայտնում են աղբյուրները, անհայտ անձը մի քանի անգամ կրակել է քրեական հեղինակության վրա, ինչից հետո ավտոմոբիլով փախել է սպանության վայրից:
Քալիին տեղափոխել են տեղի հիվանդանոց, որտեղ բժիշկներն արձանագրել են նրա մահը: Գամբինո կլանն այն հինգ մաֆիական խմբերից մեկն Է, որոնք Նյու Յորքում վերահսկում են կազմակերպված հանցավորությունը: Կլանի անդամները մերկացվել են այնպիսի հանցագործություններում, ինչպիսիք են թմրանյութերի ապօրինի տարածումը, սպանությունները եւ շորթումը: Ֆրանկ Քալին Գամբինո կլանի փաստական պարագլուխ է դարձել 2015 թվականին: Հրատարակության տվյալներով՝ զոհվածը մեկ դատվածություն ուներ, հաղորդել է ՏԱՍՍ-ը:
