Չի բացառվում, որ «Իմ քայլը» դեմ կքվեարկի Հարկային օրենսգրքի փոփոխությանը
«Երկու կարևոր դիրքորոշում կա այս հարցի վերաբերյալ՝ արտադրողները պնդում են, որ տնտեսական ռիսկերը և տնտեսության վրա ազդեցության վտանգները շատ են, ֆինանսների նախարարությունն այս քայլով ուզում է կոմպենսացնել հարկային եկամուտների հնարավոր թերակատարումները, որոնք այլ օրենքներով պայմանավորված կլինեն»,- այսօր ԱԺ-ում լրագրողների հետ զրույցում հայտարարեց ԱԺ «Իմ քայլը» խմբակցության պատգամավոր Վարազդատ Կարապետյանը:
Ըստ նրա՝ ամենակարևոր հարցը, որն իրենք բարձրացնելու են կառավարության առաջ, տնտեսական զարգացման և ներդրումների նախարարությունը պետք է տնտեսության վրա ազդեցության գնահատական տա:
Վ.Կարապետյանը նշեց, որ էկոնոմիկայի նախարարությունն այդ գնահատականը չի տվել, և իրենք չեն կարող որոշում կայացնել ո՛չ ծխախոտի մասով, ո՛չ գազավորված ըմպելիքների. «Այս պահին թերի է նախագիծը»:
Վ.Կարապետյանը չբացառեց, որ հակառակ դեպքում իրենք դեմ կքվեարկեն Հարկային օրենսգրքի փոփոխությունների նախագծին. «Այո, մենք պետք է ամբողջական պատկեր ունենանք: Այս պահին չունենք ամբողջական պատկեր»:
