Անդրանիկ Քոչարյանը փոխհատուցում է պահանջում «Հրապարակ» թերթից
ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը դատի է տվել «Հրապարակ» օրաթերթին։ Դատարան ներկայացված հայցադիմումով՝ իշխող խորհրդարանական ուժի պաշտոնյան պահանջում է թերթից ներողություն խնդրել, հերքել զրպարտություն պարունակող տեղեկությունները։ Նա նաեւ փոխհատուցման պահանջ է դրել՝ նվազագույն աշխատավարձի 1000-ապատիկի չափով։
«Փաստինֆո»-ի հաղորդմամբ՝ հայցադիմումը մուտք է եղել դատարան եւ մակագրվել դատավոր Աննա Փիլոսյանին։
Նշենք, որ միայն 2019 թվականի 2,5 ամիսների ընթացքում ընդդեմ մամուլի ներկայացվել է արդեն մոտ 10 հայցադիմում։
