Այս պահին ամբողջությամբ վերահսկում ենք Ադրբեջանում անցկացվող զորավարժությունների ընթացքը. Դավիթ Տոնոյան. aysor.am
Ստեփանակերտում Հայաստանի ու Արցախի Անվտանգության խորհուրդների համատեղ նիստը կշարունակվի քիչ անց՝ ընդմիջումից հետո, Aysor.am-ի թղթակցին ասել է ԱԽ անդամ, Պաշտպանության նախարար Դավիթ Տոնոյանը։
ՀՀ Պաշտպանության նախարարն անդրադարձել է այս օրերին Ադրբեջանում անցկացվող զորավարժություններին՝ նշելով, որ դրանց «շատ հանգիստ է վերաբերվում»։
Նա չի կարծում, որ այս առումով անհանգստանալու կարիք կա։
Ինչ վերաբերում է հարցին՝ ինչո՞ւ է ադրբեջանական կողմն առանց ծանուցումների նման մասշտաբի զորավարժություն իրականացնում, Դավիթ Տոնոյանը պատասխանել է.
«Զորավարժության անցկացումն ինքնըստինքյան միջազգային պարտավորությունների խախտում է, բայց այս պահին մենք ամբողջությամբ վերահսկում ենք ընթացքը։ Անհանգստանալու ոչ մի խնդիր չկա»։
Ամբողջությամբ՝ սկզբնաղբյուր կայքում:
