Մեծ Բրիտանիայում արձանագրվել է ՄԻԱՎ-ից բուժման՝ պատմության մեջ երկրորդ դեպքը
Մեծ Բրիտանիայում արձանագրվել է ՄԻԱՎ-ից (մարդու իմունային անբավարարության վիրուս) հիվանդի բուժման՝ պատմության մեջ երկրորդ դեպքը՝ նրան վիրուսի նկատմամբ հազվագյուտ բնածին կայունությամբ դոնորից ոսկրածուծի փոխպատվաստումից հետո: Այդ մասին գրել է The Guardian թերթը:
Տղամարդն ստուգում է անցել ոսկրածուծի փոխպատվաստումից գրեթե երեք տարի անց եւ հակառետրովիրուսային թերապիայի բուժընթացի ավարտից 18 ամիս անց: Բարձր ճշգրտության թեստերը վարակի հետքեր չեն հայտնաբերել: Թերթի տվյալներով՝ 2007 թվականին նման կերպ բուժվել է մի հիվանդ Գերմանիայից: Նրա մոտ այժմ էլ վարակի հետքեր չեն հայտնաբերվում:
Ինչպես նշում է The Guardian-ը, փորձագետների մեծ մասը կարծում է, որ բուժման նման մեթոդը հազիվ թե համապիտանի դառնա, քանի որ բուժընթացը թանկ է նստում, բարդ է եւ կրում է ռիսկեր, ըստ որում դոնորների շրջանակը մեծ չէ, հաղորդել է «Ինտերֆաքս»-ը:
