Շուշիի արհեստագործական ուսումնարանում ձեռքի աշխատանքներ են պատրաստում
Շուշիում պատրաստվում են որմնաջահեր, մոմակալներ և նկարների շրջանակներ:
Այս մասին «Արցախպրես»-ի թղթակցի հետ զրույցում ասել է «Եզնիկ Մոզյան արհեստագործական ուսումնարան»-ի գործադիր տնօրեն Վասպուրակ Կարապետյանը՝ մանրամասնելով, որ աշխատանքները պատրաստվում են ատաղձագործության և մետաղամշակման բաժնի առաջին ու երկրորդ կուրսի աշկերտների կողմից, և դրանցից յուրաքանչյուրը ձեռքի յուրօրինակ աշխատանք է:
«Օգտագործվել են տեղական թանկարժեք փայտի տեսակներ, Դադիվանքի շրջակայքի բնական քարեր, ինչպես նաև արկերի պարկուճներ: Իրերը վաճառքի ենք հանում, և գնորդներն էլ շատ գոհ են»,- նշել է Վ. Կարապետյանը:
