««Վախ» բառը մեզ համար գոյություն չունի». Սոլարին՝ Մեսսիի մասին
«Ռեալ Մադրիդի» գլխավոր մարզիչ Սանտյագո Սոլարիի խոսքերով՝ մադրիդյան ակումբի խաղացողները չեն վախենում խաղալ «Բարսելոնայի» առաջատար Լիոնել Մեսսիի դեմ:
««Վախ» բառը մեզ համար գոյություն չունի: Մեզ դուր է գալիս այն, ինչ մենք անում ենք: Մենք մեր խաղում ներդնում ենք մեր բոլոր ուժերը: Մենք խաղում ենք սրտով:
Մեր ֆուտբոլիստները, ինչպես միշտ, դուրս են գալու խաղադաշտ և վայելելու են խաղը»,- ասել է Սոլարին:
Հիշեցնենք, որ Իսպանիայի գավաթի կիսաեզրափակիչը կկայանա այսօր՝ կեսգիշերին:
Սիրարփի Աղաբաբյան
