Երանոս գյուղի մոտակայքում տեղի ունեցած վթարի հետևանքով մեկ մարդ զոհվել է, երկուսը՝ վիրավորվել
ՀՀ արտակարգ իրավիճակների նախարարության «911» ծառայությունը փետրվարի 14-ին, ժամը 19:17-ին տեղեկություն է ստացել, որ Գեղարքունիքի մարզի Երանոս գյուղի մոտակայքում տեղի է ունեցել ՃՏՊ, կան տուժածներ և մեկ զոհ. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Ինչպես տեղեկանում ենք ՀՀ ԱԻ նախարարության պաշտոնական կայքից, պարզվել է, որ Մ-11 ավտոճանապարհի Սևան-Մարտունի-Գետափ հատվածի մոտ 54-րդ կմ-ին բախվել են «Mitsubishi», «Opel Vectra» և «ԳԱԶել» (վարորդ՝ Ն. Մ., ծնված 1992 թ.) մակնիշների ավտոմեքենաները:
Մինչ փրկարարների՝ կանչի վայր հասնելը, «Mitsubishi» և «Opel Vectra» մակնիշերի ավտոմեքենաների վարորդները հոսպիտալացվել են Մարտունու բժշկական կենտրոն: Բժիշկները տուժածների առողջական վիճակը գնահատել են միջին ծանրության:
Փրկարարները հոսանքազրկել են «Opel Vectra» մակնիշի ավտոմեքենան, փակել գազի բալոնի փականը և ավտոմեքենայից դուրս բերել քաղաքացու դին:
Նախարարությունը կտրամադրի լրացուցիչ տեղեկություն:
