«Ալեքսիսն այլևս այն ֆուտբոլիտը չէ, որին մենք սիրում էինք «Արսենալում»». Նևիլ
Չեմպիոնների լիգայի 1/8 եզրափակչի առաջին խաղում «Մանչեսթեր Յունայթեդը» պարտվեց ՊՍԺ-ին (0:2): Այդ խաղից հետո մանչեսթերյան ակումբի նախկին պաշտպան Ֆիլ Նևիլը քննադատել է թիմի ֆուտբոլիստ Ալեքսիս Սանչեսին:
«Երկրորդ կեսում կար 20 րոպե տևողությամբ ժամանակահատված, երբ «Յունայթեդը» չէր դիպչում գնդակին և Սանչեսը, իհարկե, նույնպես:
Ալեքսիսն այլևս այն ֆուտբոլիստը չէ, որին մենք հավանեցինք: Նա այն ֆուտբոլիստը չէ, որին մենք սիրեցինք «Արսենալում». Նա պետք է անդադար խաղա 10-15 խաղերում, որպեսզի վերականգնի մարզավիճակը:
Հիմա նրա մարզավիճակն անկում է ապրում: Երբ նայում ենք պահեստայինների նստարանի այն ֆուտբոլիստներին, ովքեր կարող են ուժեղացնել խաղը, Սանչեսը չկա նրանց թվում:
Չեմ կարծում, որ նրա հետ ամեն ինչ վերջացել է: Կարծում եմ՝ նա կարող է ադապտացվել նորից: Կարծում եմ, որ խնդիրը վստահության մեջ է: Նրան պետք է սեր: Կարծում եմ՝ Սուլշերը պետք է աշխատի նրա հետ»,- ասել է Նևիլը:
Սիրարփի Աղաբաբյան
