««Լիվերպուլի» հետ ոչ-ոքին գերազանց արդյունք կլինի «Բավարիայի» համար». Ռումենիգե
«Բավարիայի» վարչության նախագահ Կարլ-Հայնց Ռումենիգեն կիսվել է Չեմպիոնների լիգայի 1/8 եզրափակչում «Լիվերպուլի» հետ կայանալիք խաղի սպասումներով:
«Սալահը փայլուն ֆուտբոլիստ է, բայց մենք էլ Ալաբա ունենք, ով պակաս արագություն չունի: Մենք լիովին վստահում ենք Դավիդին: Նա հանդիսանում է աշխարհի լավագույն պաշտպաններից մեկը:
«Լիվերպուլի» հետ խաղը լուրջ փորձություն է «Բավարիայի» համար: Ոչ-ոքին գերազանց արդյունք կլինի: Գլխավորն այն է, որ պետք է աշխատենք գոլ խփել, այլ ոչ թե մտածենք միայն պաշտպանության մասին: Դա վճռորոշ պահ կարող է դառնալ այդ հակամարտությունում: Իսկ ավելի ուշ «Լիվերպուլը» տնից հեռու կարող է թուլություն ցուցաբերել»,- Ռումենիգեին է մեջբերում Liverpool Echo-ը:
«Լիվերպուլ»-«Բավարիա» խաղը տեղի կունենա փետրվարի 19-ին, «Էնֆիլդում»:
Պատրաստեց Անի Գաբուզյանը
