Սևանա լիճը դատարկվում է. Նախորդ իշխանությունների օրոք ընդունված օրենքի կատարումը պարտադի՞ր չէ. «Ժամանակ»
«Ժամանակ» թերթը գրում է. «Սևանա լիճը շարունակում է դատարկվել. ըստ պաշտոնական վիճակագրության՝ անցյալ տարվա համեմատ լճի ջրի մակարդակը իջել է հինգ սանտիմետրով:
Եթե նախորդ տարի այն գտնվում էր ծովի մակերևույթից 1900,42 նիշի վրա, ապա այսօր արդեն 1900,37-ի:
Սա ոչ միայն բնապահպանական աղետ է, այլ նաև Սևանա լճի մասին օրենքի խախտում, որի հստակ պահանջն է Սևանա լճի ջրային բացասական հաշվեկշռի բացառումը և լճի էկոլոգիապես անհրաժեշտ մակարդակի բարձրացումը:
Չնայած աշխարհի ամենաժողովրդավարական իշխանությունները կարող են ասել, որ այս օրենքը ընդունվել է նախորդ հանցավոր իշխանությունների օրոք, և այդ պատճառով դրա կատարումը պարտադիր չէ»:
Ամբողջությամբ կարող եք կարդալ թերթի այսօրվա համարում:
