Արման Փաշիկյանը 10 տարի անց կրկին դարձավ շախմատի Հայաստանի չեմպիոն
Շախմատի Հայաստանի 79-րդ առաջնության նոր չեմպիոնը հայտնի է. 10 տարի անց Հայաստանի չեմպիոնը Արման Փաշիկյանն է:
Տղամարդկանց մրցաշարում Արման Փաշիկյանը 9 հնարավորից հավաքելով 6,5 միավոր դարձավ առաջնության չեմպիոն: Փաշիկյանը 4 պարտիայում հաղթանակ տոնեց, մնացած խաղերն ավարտեց ոչ-ոքի արդյունքով՝ չկրելով ոչ մի պարտություն:
Արման Փաշիկյանը վերջին անգամ Հայաստանի չեմպիոն դարձել է 2009 թվականին:
2003-ին բաժանել է 1–2-րդ տեղերը, իսկ 2006-ին արժանացել է արծաթե մեդալի:
