Արման Փաշիկյանը շախմատի Հայաստանի առաջնության առաջատարն է
Տիգրան Պետրոսյանի անվան շախմատի տանը կայացավ տղամարդկանց 79-րդ առաջնության հերթական տուրի պարտիաները:
4-րդ տուրում միայն Արամ Հակոբյանը և Արման Փաշիկյանը հաղթանակներ տոնեցին: Մյուս պարտիաներն ավարտվեց ոչ-ոքի արդյունքով:
Այս տուրից հետո մրցաշարային աղյուսակի միանձնյա առաջատարը Արման Փաշիկյանն է, ով ունի 3,5 միավոր: 2,5 միավոր ունեն Զավեն Անդրիասյանը և Տիգրան Պետրոսյանը:
Հաջորդ՝ 5-րդ տուրը կկայանա հունվարի 16-ին:
