Գերմանիայում ձերբակալել են քաղաքական գործիչների վրա հաքերական հարձակումների մեջ կասկածվողին. Spiegel
Գերմանիայի ոստիկանությունը երկրի արեւմուտքի Հեսենի դաշնային երկրամասում ձերբակալել է մի երիտասարդի, որին կասկածում են գերմանացի քաղաքական գործիչների եւ հանրաճանաչ անձանց վրա մի շարք ցանցահենային հարձակումների, ինչպես նաեւ նրանց անձնական տվյալների գողության մեջ:
Հունվարի 8-ին այս մասին հայտնել է Spiegel Online ինտերնետ-հրատարակությունը։ Հրատարակության տվյալներով՝ կասկածյալը 20 տարեկան է: Բունդեսթագի պատգամավորների, հեռուստահաղորդավարների եւ երաժիշտների անձնական տվյալների ընդգրկուն արտահոսի մասին հայտնի էր դարձել անցյալ շաբաթ: Համացանցում տվյալներ էին զետեղվել մոտավորապես հազար անձի վերաբերյալ, հաղորդել է ՏԱՍՍ-ը:
