2018թ. ռուս զբոսաշրջիկները ամենից շատ նախընտրել են այցելել Թուրքիա
Ռուսաստանի տուր օպերատորների միության նախագահ Մայա Լոմիձեն հայտարարել է, որ 2018թ. ռուս զբոսաշրջիկների կողմից ամենից շատ պահանջված հանգստի ուղղությունը Թուրքիան է: Այս մասին տեղեկացնում է ermenihaber.am-ը:
Լոմիձեն Մոսկվայում լրագրողների հետ հարցազրույցում նշել է, որ 2018թ. արտերկրում հանգստացող ռուս զբոսաշրջիկների թիվը նախորդ տարվա համեմատ 8%-ով աճել է:
Լոմիձեի խոսքով ռուս զբոսաշրջիկների այցելությունը Թուրքիա 2017թ. համեմատ 25%-ով աճ է գրանցել, իսկ այս տարի ռուսաստանցիների թիվ մեկ հանգստավայրը Թուրքիան է:
«Բացի Թուրքիայից ռուս զբոսաշրջիկների մոտ մեծ պահանջ է նկատվում դեպի Թաիլանդ: Մյուս հայտնի զբոսաշրջային ուղղություներն են Գերմանիան, Իտալիան, Իսպանիան, Հունաստանը, ԱՄԷ-ն, Թունիսը և Ֆրանսիան»,- ասել է Ռուսաստանի տուր օպերատորների նախագահը:
