Համազգային թատրոնը պատրաստվում է 4 նոր ներկայացմամբ համալրել խաղացանկը
Սոս Սարգսյանի անվան Համազգային թատրոնը նոր ղեկավար կազմ ընտրելուց հետո նոր շունչ է առնում և պատրաստվում է համալրել խաղացանկը: Այս մասին լրագրողների հետ զրույցում հայտնեց թատրոնի գեղարվեստական ղեկավար Նարինե Գրիգորյանը:
«Մենք արդեն իսկ սկսել ենք 4 տարբեր բեմադրությունների վրա աշխատել, քանի որ շատ արագ պետք է հարստացնենք մեր խաղացանկը»,- նշեց Գրիգորյանը:
Նրա խոսքով՝ այժմ ընթացքի մեջ է Գի դը Մոպասանի «Թմբլիկը» նովելի, ժամանակակից ֆրանսիացի դրամատուրգ Ֆլորիան Զելլերի՝ «Ճշմարտություն» պիեսի, Հովհաննես Թումանյանի «Լոռեցի Սաքոն» պոեմի և Ժիրայր Փափազյանի «Ոչնչից մեծ աղմուկ» պատմվածքի բեմականացումը:
