Բելգիայում երեխաների ներկայությամբ ծխող վարորդներին մինչև 1000 եվրո տուգանք է սպառնում
Բելգիական Ֆլանդրիայի տարածաշրջանային խորհրդարանը հավանություն է տվել այն օրինագծին, որի համաձայն փոխադրամիջոցում երեխաների ներկայությամբ ծխող ավտոմոբիլիստները եւ ուղեւորները կպատժվեն մինչեւ հազար եվրոյի չափ տուգանքով։
Ինչպես հայտնել է RTBF հեռուստառադիոընկերությունը, օրինագիծը պատրաստած ֆլամանդացի քրիստոնյա դեմոկրատների խորհրդարանական խմբակցությունը (CD&V) հույս ունի, որ համանման օրինագծեր կընդունվեն թագավորության մյուս երկու տարածաշրջաններում՝ Վալոնիայում եւ Բրյուսելի մայրաքաղաքային տարածաշրջանում:
RTBF-ն նշել է, որ մինչեւ 16 տարեկան անչափահասների ներկայությամբ ավտոմոբիլում ծխելու արգելքը տարածվում է նաեւ էլեկտրոնային սիգարետների վրա, հաղորդել է ՌԻԱ Նովոստին:
