«Հայաստանի քաղաքացիները խորհրդարանում ձևավորում են բացարձակ հեղափոխական մեծամասնություն»․ Նիկոլ Փաշինյան
«Հայաստանի քաղաքացիները խորհրդարանում ձևավորում են բացարձակ հեղափոխական մեծամասնություն և այդ մեծամասնությունը որևէ օրենսդրական փոփոխություն իրականացնելու խնդիր չի ունենա, կլինի նաև սահմանադրական մեծամասնություն»,- քիչ առաջ, ընտրությունների ավարտից հետո «Իմ քայլը» դաշինքի շտաբում ասաց վարչապետի պաշտոնակատար Նիկոլ Փաշինյանը։
Անդրադառնալով ընտրությունների ընթացքին` վարչապետի պաշտոնակատարը նշեց, որ խոշոր միջադեպ չի գրանցվել, ինչը բնական է. «Բոլորս ենք տեսել, որ ընտրություններում որևէ արտառոց, առնվազն խոշոր միջադեպ չի գրանցվել, և դա բնական է. ինչպես Երևանի ավագանու ընտրություննհրի ժամանակ, նույնն էլ հիմա, և ընդհանրապես սրանից հետո մենք պետք է սովոր լինենք, որ ընտրությունները միշտ չէ, որ այդքան բուռն իրադարձություններով լի են:
Ես տեսա՝ շատերը, նաև լրագրողներ, ընտրությունները, քվեարկության ընթացքը որակել էին որպես «ձանձրալի», և դա, կարծում եմ, լավագույն գնահատականն էր»,- եզրափակեց Նիկոլ Փաշինյանը:
Ինչ վերաբերում է ընտրություններին քաղաքացիների մասնակցության ցուցանիշին և դրա վերաբերյալ հնչող քննադատություններին, Նիկոլ Փաշինյանն ասաց․ «Այս ընտրություններում քաղաքացիներին ոչ թե բերման են ենթարկել, այլ քաղաքացիները պարզապես գնացել են ընտրությունների, ընտրողները ինտրինգ չեն տեսնում այս ընտրություններին»։
