Շղթայական վթար Իսակովի պողոտայում. բախվել են 4 ավտոմեքենաներ. կան վիրավորներ
Դեկտեմբերի 3-ին, ժամը 21:52-ին «911» ծառայությանը տեղեկություն է հաղորդվել, որ Իսակովի պողոտայում՝ Մոնթե Մելքոնյան պողոտայի մոտակայքում, տեղի է ունեցել ՃՏՊ՝ բախվել են 4 ավտոմեքենաներ, առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «ՎԱԶ 2121» (վարորդը՝ Յ. Գ.), «Nissan Lafesta» (վարորդը՝ Ա. Գ.), «Nissan March» (վարորդը՝ Ս. Շ.) և «Opel Astra G» (վարորդ Խ. Հ.) մակնիշերի ավտոմեքենաները. «Nissan March» և «Opel Astra G» մակնիշերի ավտոմեքենաների վարորդները տեղափոխվել են «Էրեբունի» ԲԿ, որտեղ Ս. Շ.-ն ստանալով համապատասխան բուժօգնություն՝ դուրս է գրվել, իսկ Խ. Հ.-ի առողջական վիճակը բժիշկները գնահատել են բավարար:
Փրկարարները հոսանքազրկել են ավտոմեքենանները և փակել «Opel Astra G» և «Nissan Lafesta» մակնիշերի ավտոմեքենաների գազի բալոնների փականները:
