Կրիշտիանու Ռոնալդուն չի գա «Ոսկե գնդակի» հանձնման արարողությանը
«Յուվենթուսի» հարձակվող Կրիշտիանու Ռոնալդուն չի մեկնի Փարիզ՝ 2018թ. «Ոսկե գնդակի» հանձնման արարողությանը մասնակցելու:
Ինչպես հաղորդում է AS-ը, հղելով Sky Italia-ին, «Ոսկե գնդակը» կհաղթի «Ռեալ Մադրիդի» կիսապաշտպան Լուկա Մոդրիչը: Ռոնալդուն երկրորդ տեղն է զբաղեցրել քվեարկության ժամանակ, երրորդն «Ատլետիկոյի» հարձակվող Անտուան Գրիզմանն է:
Հայտնի է, որ արարողությանն անպայման մասնակցելու է Մոդրիչը: Ռոնալդուն արդեն չեղյալ է հայտարարել ուղևորությունը, իսկ Գրիզմանը դեռ մտածում է՝ կամ գնալ Փարիզ, կամ մնալ Մադրիդում:
Ռոնալդուն հաղթել է մրցանակը 5 անգամ՝ 2008, 2013, 2014, 2016 և 2017 թվականներին:
Պատրաստեց Անի Գաբուզյանը
