Նոր Զելանդիայում շուրջ 90 սև դելֆին է ափ նետվել. AP
Նոյեմբերի 30-ին շուրջ 50 սեւ դելֆիններ են նետվել Նոր Զելանդիայի Չաթեմ արշիպելագի ափ եւ սատկել: Այս մասին հայտնել է Associated Press (AP) գործակալությունը:
Եվս շուրջ 40 կանթնասուններ են հայտնվել ափին, սակայն կարողացել են ինքնուրույն վերադառնալ օվկիանոս: Բացի դրանից, ցամաքում մնացած դելֆիններից մեկը, փրկարարների ժամանման պահին ողջ է եղել:
Հաշվի առնելով նրա անհուսալի վիճակը՝ որոշում է ընդունվել թունավորելով մեռցնել ծովային կենդանուն: Վերջին օրերին սա նման արդեն երրորդ միջադեպն է: Նոյեմբերի 28-ին մի սապատավոր կետ եւ շուրջ 30 սեւ դելֆիններ են ափ նետվել Ավստրալիայի Վիկտորիայի նահանգի Քրոաջինգոլոնգ ազգային բնայգու մոտ: Նոյեմբերի 26-ին գրեթե 150 սեւ դելֆիններ են ափ նետվել Նոր Զելանդիայի Ստյուարտ կղզում:
